მიმდინარე სტატია მომზადებულია onoff.ge მხარდაჭერით. ყველაზე დიდი ტექნიკის ონლაინ კატალოგი საქართველოში. ვებ-გვერდის საშუალებით შეგიძლიათ შეარჩიოთ, შეადაროთ და შეიძინოთ ნებისმიერი ტექნიკა სახლიდან გაუსვლელად.
თუ თქვენ ხელზე იყიდეთ iPhone ან iPad, ვფიქრობ გაინტერესებთ დაუსრულდა, თუ არა მოწყობილობას საგარანტიო მომსახურების ვადა. ამისათვის პირველ რიგში უნდა მოძებნოთ მოწყობილობის სერიული ნომერი. ამ კვლევის დროს შესაძლოა აღმოაჩინოთ, რომ მოწყობილობის სერიული ნომრით ეფლის საიტზე სულ სხვა მოწყობილობა იძებნება. რატომ? მოდი გავერკვეთ.
ეფლის მოწყობილობების შესახებ ყველაზე სარწმუნო მონაცემების მიღება შესაძლებელია მხოლოდ მწარმოებლის საიტზე checkcoverage.apple.com IMEI-ს ან სერიული ნომრის მიხედვით.
მოწყობილობის სერიული ნომრის ან IMEI-ს მოძებნა შესაძლებელია შემდეგნაირად:
- Settings > General > About — ამ სექციაში შესაძლებელია ნახოთ სერიული ნომერიც და IMEI-ც;
- 6s მოდელიდან მოყოლებული, iPhone-ის IMEI ასევე დუბლირებულია სიმ-ბარათის ჩასადებში;
- ბევრ მოდელზე IMEI ან სერიული ნომერი დატანებულია მოწყობილობის უკანა ხუფზე;
- სერიული ნომრის ნახვა შესაძლებელია iTunes-ში (macOS Catalina-დან მოყოლებული – Finder-ში), როდესაც მოწყობილობას კაბელით მიუერთებთ თქვენს კომპიუტერს;
- სერიული ნომერი და IMEI დატანებულია ასევე მოწყობილობის კოლოფზე.
რა თქმა უნდა, ერთი მოწყობილობის ყველა ნომერი უნდა შეესაბამებოდეს ერთმანეთს. წინააღმდეგ შემთხვევაში, შესაძლოა SIM ბარათის ჩასადები, მოწყობილობის ყუთი ან კორპუსი აღებულია სხვა მოწყობილობიდან.
თუ Apple-ის ვებსაიტზე ნომრის შემოწმების შემდეგ, ნომრების შეუსაბამობაა ნაპოვნი, ეს შეიძლება გამოწვეული იყოს ორიდან ერთ შემთხვევაში:
სერიული ნომერი ან მოდელის სახელი შეიძლება შეიცვალოს დაჯეილებულ მოწყობილობაზე
მოწყობილობის დაჯეილება საშუალებას გაძლევთ შეცვალოთ ნებისმიერი სისტემური ინფორმაცია, მათ შორის მომხმარებლების შეცდომაში შეყვანის მიზნითაც. ასე შესაძლებელია ერთი მოდელის გასაღება სხვა მოდელად.
თუ გაჯეტი უკვე ხელთ გაქვთ, შეეცადეთ წაშალოთ jailbreak ინსტრუქციის მიხედვით ან უბრალოდ განაახლოთ სისტემური პროგრამა Finder-ის ან iTunes-ის მეშვეობით.
ამის შემდეგ, რეალური ინფორმაცია გამოჩნდება სისტემის პარამეტრებში, რაც დაემთხვევა Apple-ის ვებსაიტზე არსებულ მონაცემებს.
სერიის ნომერი შეიძლება არ ემთხვეოდეს იმ შემთხვევაში, თუ მოწყობილობა არის „ფრანკენშტეინი“
როდესაც მოწყობილობას აწყობენ სხვა გაჯეტების კომპონენტებიდან, მოდელის მონაცემები შეიძლება განსხვავდებოდეს. ამრიგად, მოწყობილობაზე დატანებული იქნება ერთი სერიული ნომერი, ყუთზე მეორე, ხოლო დედაპლატზე და სისტემაში მესამე.
ეს კარგს არაფერს მოგიტანთ და ნიშნავს, რომ მომავალში მოწყობილობას შესაძლოა მრავალი პრობლემა გაუჩნდეს. ამიტომ თავი შეიკავეთ ასეთი მოწყობილობის შეძენისაგან.
