ისტორიები იმის შესახებ რომ Apple Watch-მა ადამიანის სიცოცხლე გადაარჩინა, უკვე აღარავის აკვირვებს. ჭკვიანი საათი აფიქსირებს გულისცემის გახშირებას, სისხლში ჟანგბადის დონის დაცემას და ა.შ. ასევე არსებობს Siri, რომელიც საშუალებას გვაძლევს სასწრაფო გამოვიძახოთ ხმით. ამ საკითხებზე ბევრჯერ დაგვიწერია, ახლა კი იმის შესახებ უნდა გითხრათ თუ როგორ ეხმარება Apple Watch-ი პროფესიონალ სპორტსმენებს.
ავსტრალიის მოცურავეთა ეროვნულმა გუნდმა აღმოაჩინა Apple Watch-ისა და iPad-ის სასარგებლო კომბინაცია, რაც სპორტსმენების პროგრესზე თვალყურისდევნებაში გამოიხატება. მოცურავეებს აუზში Apple Watch-ები უკეთიათ, ხოლო მწვრთნელები მათ პროგრესსა და სხეულის მდგომარეობას iPad-ებში აკვირდებიან.
Apple Watch-ის დახმარებით, მწვრთნელები აკვირდებიან ინტენსივობას, მკლავების მოძრაობას, სიჩქარეს და ა.შ. Apple Watch-ის არარსებობის შემთხვევაში, სპორტსმენებს მოუწევდათ დაყრდნობოდნენ თავიანთ შეგრძნებებს და ექიმების მოსაზრებებს, რომლებიც ზომავენ მათ გულისცემას და სუნთქვის სიხშირეს.
სამწვრთნელო შტაბი პარამეტრების საყურებლად იყენებენ iPad-ს, რადგან ასე უფრო მოსახერხებელია.
„ცურვის შესახებ უახლესი ინფორმაცია ჩვენი სპორტსმენების წარმატების გასაღებია. ჩვენ ვხედავთ სპორტსმენების სრულ აქტივობას, რომლებიც ატარებენ Apple Watch-ს. საათი გვაძლევს უფრო მეტ ანალიზს, რომელსაც ვიყენებთ ჩვენი ვარჯიშის გასაუმჯობესებლად. ასევე, iPad-ი გახდა მნიშვნელოვანი ინსტრუმენტი სამწვრთნელო შტაბისთვის . მისი დახმარებით ისინი რეალურ დროში იღებენ ინფორმაციას სპორტსმენის მდგომარეობის შესახებ“
განმარტავს ჯეს კორონესი, Swimming Australia-ს მენეჯერი.
