მიმდინარე სტატია მომზადებულია onoff.ge მხარდაჭერით. ყველაზე დიდი ტექნიკის ონლაინ კატალოგი საქართველოში. ვებ-გვერდის საშუალებით შეგიძლიათ შეარჩიოთ, შეადაროთ და შეიძინოთ ნებისმიერი ტექნიკა სახლიდან გაუსვლელად.
იმისდა მიუხედავად, რომ Apple ბოლო პერიოდში აგრესიულად ცდილობს სხვების დარწმუნებას, რომ ბაზრის წილს არ აქვს მნიშვნელობა, შემოსავლისაგან განსხვავებით, ანალიტიკოსები და ინვესტორები აგრძელებენ პროდუქციის გაყიდვების წარმატების გაზომვას გაყიდული ერთეულებით. არის ამაში ლოგიკა. თუ 3 ადამიანმა იყიდა ახალი სმარტფონი, რომელიც სასწაული ფასი ღირს, ვერაფრით ვიტყვით, რომ პროდუქტი პოპულარულია, მაშინაც კი, თუ მწარმოებელს ამ სამმა მოწყობილობამ იმდენივე თანხა მოუტანა, რამდენიც 30 მოწყობილობის გაყიდვიდან მიიღო კონკურენტმა. მაგრამ Apple-ს მიაჩნია, რომ ყველაფერს სწორად აკეთებს და ამიტომ შესაბამისად სწრაფად კარგავს პოზიციებს.
Gartner-ის თქმით, 2019 წლის მესამე კვარტალში, Apple-ის წილი სმარტფონების ბაზარზე შესამჩნევად დაეცა და ახლა 10%-ზე ცოტათი მეტია. ხოლო პირიქით, მის კონკურენტებს საქმეები გაცილებით უკეთ აქვთ. კერძოდ, სამსუნგმა მოახერხა ბაზრის წილის თითქმის 20.5%-ის აღება, Huawei-მ მიაღწია 17%-იან ნიშნულს, ხოლო Oppo-ს დაახლოებით 8% აქვს. მიუხედავად ამგვარი განსხვავებული მაჩვენებლებისა, მათ ყველამ აჩვენა ზრდა, ხოლო Apple-მა, რომელიც ერთადერთია ლიდერთა სიიდან — ვარდნა აჩვენა. ამასთან, ეს მოსალოდნელი უნდა იყოს კომპანიის მიერ არჩეული ბიზნეს მოდელის გათვალისწინებით.
რატომ ეცემა Apple-ის წილი
Apple-ის წილის დაცემის მიზეზი არის მომხმარებელთა სურვილების ცვლილება. ბევრი, ვინც ადრე ექსკლუზიურ ფლაგმანებს ყიდულობდა, დარწმუნდა, რომ ამაში დიდი ვერაფერი აზრი არ დევს და საშუალო დონის მოწყობილობის შეძენისას შესაძლებელია თანხის მნიშვნელოვანი დაზოგვა. და მაინც, თანამედროვე ტექნოლოგიებმა უკვე მიაღწიეს განვითარების ისეთ დონეს, როდესაც ტოპ- და საშუალო-დონის მოდელების წარმადობა დაახლოებით შესადარებელ დონეზეა, ხოლო მათი ფოტო-კამერები მეტნაკლებად კომპეტენტური მიდგომის შემთხვევაში საშუალებას გაძლევთ გადაიღოთ სურათები, რომლებიც ახლოსაა ერთმანეთან ხარისხის თვალსაზრისით.
სამსუნგის წარმატებები ამ რბოლაში ძალზე მნიშვნელოვანია. თუ ბოლო დრომდე, კორეელები ძირითადად ყურადღებას ამახვილებდნენ ბიუჯეტურ და ფლაგმანურ მოდელებზე, საშუალო სეგმენტი დიდი ხნის განმავლობაში როგორღაც დაჩაგრული იყო. რასაკვირველია, სამსუნგს ჰქონდა Galaxy A მოდელი, მაგრამ კომპანია მას განსაკუთრებით არ ავითარებდა და ახლა, მიხვდა თუ საით უბერავს ქარი, შეცვალა მიდგომა და შესაბამისად მოიგო კიდევაც. შედეგად, დღეს Galaxy A სმარტფონებზე ყველაზე დიდი მოთხოვნაა და მათი ტექნოლოგიური წინსვლის გამო, სამსუნგს უზრუნველყოფენ ბაზრის წილის უწყვეტ ზრდას.
რატომ არის საჭირო iPhone SE 2
Apple ჯერჯერობით არ მონაწილეობს ამ რბოლაში, მაგრამ, როგორც ჩანს, სულაც არ არის უარს, რომ ჩაერთოს. ამიტომ, უკვე 2020 წლის მარტში, კომპანია აპირებს მეორე თაობის iPhone SE-ს წარმოდგენას, რომელიც მიიღებს ფლაგმანურ შიგთავსს, მაგრამ iPhone 8-ის კორპუსში. ეს ეკიპირება კომპანიას საშუალებას მისცემს შეამციროს წარმოების ღირებულება, ვინაიდან Apple-ისთვის ახალი მოდელების შექმნისას მთავარი დანახარჯი ეკრანია. და 4.7 დიუმიანი IPS-მატრიცა დიდი ჩარჩოებით და Home ღილაკით, პირველ რიგში მაქსიმალურად იაფი გახდება, და მეორეც, ეს შესაძლებელს გახდის მიიზიდოს ის მომხმარებლები, ვისაც არ მოსწონს სრულეკრანიანი მოწყობილობები ჟესტების კონტროლით.
კიდევ ერთი რამ არის ის, რომ ანალიტიკოსების წინასწარი შეფასებით, iPhone SE 2 არ იქნება ბესტსელერი, თუმცა ის Apple-ს საშუალებას მისცემს გაზარდოს თავისი საბაზრო წილი. მაინც იგრძნობა Apple-ის რეპუტაცია, როგორც მაღალი დონის სმარტფონების მწარმოებლის, რომელიც, იმავე ფასით და ნაკლებად მოწინავე ტექნიკური მახასიათებლებით, ვიდრე კონკურენტები, ითვლება უფრო პრემიალური პროდუქტის მწარმოებლად. ამიტომ, როგორც წესი, მათ, ვისაც აქვს შესაძლებლობა შეიძინოს სმარტფონი ათას დოლარად ან მეტად, უმეტესწილად ყიდულობს iPhone-ს, იმ შემთხვევაშიც კი, რომ სამსუნგს აქვს კერამიკული ფლაგმანები, რომ აღარაფერი ვთქვათ Xiaomi გადაწყვეტილებებზე.
