Apple-ი უკვე დიდი ხანია Samsung-ის ეკრანებს იყენებს, მიუხედავად იმისა რომ ისინი ერთმანეთის მთავარი კონკურენტები არიან. ამ ყველაფერს იქამდე მივყავართ რომ Apple-ს ხშირად უწევს გარკვეულ კომპრომისებზე წასვლა.
— Samsung-ი იმდენად არ ენდობა Apple-ს, რომ მათ ინჟინერებს საკუთარი ოფისების მონახულებას უკრძალავს.
— 2017 წელს Apple-ის ინჟინერთა ჯგუფი სამხრეთ კორეაში გაემგზავრა, რათა Samsung Display-ს თანამშრომლებს შეხვედროდა, თუმცა ისინი არ შეუშვეს ოფისში იმ მიზეზით, რომ Samsung-ი იცავდა OLED-თან დაკავშირებულ ინტელექტუალურ საკუთრებას. Apple-ის თანამშრომლებს მოუწიათ Samsung-ის თანამშრომლებთან კომუნიკაცია მათი სასტუმროს ნომრებიდან ვიდეო ზარით.
— როდესაც Apple-მა შეტყობინება გაუგზავნა Samsung-ს რომ მიეღო დამატებითი ინფორმაცია OLED ეკრანების შესახებ, პასუხად მიიღო დოკუმენტი მხოლოდ 1 სიტყვით „კონფიდენციალური“.
— Apple-ის სხვა მომწოდებლებისგან განსხვავებით, Samsung-ი არ იღებს ფინანსურ რისკს არასაჭირო ნაწილების შესანახად.
— რამდენიმე წლის წინ Samsung-მა აიძულა Apple-ი, მიეღო ასობით ათასი დამატებითი MacBook-ის ეკრანი მას შემდეგ, რაც Apple-მა შეამცირა მოთხოვნასთან დაკავშირებული პროგნოზი.
— Samsung-მა Foxconn-ს მილიონობით LCD ეკრანი გაუგზავნა პირველი iPad mini-სთვის, რომელზეც Apple-მა მცირე დეფექტები აღმოაჩინა, მაგრამ Samsung-მა უარი თქვა მათ შეცვლაზე, შემდეგ Apple-ს დეფექტური ეკრანების გამოყენება მოუწია.
— მსგავსი სიტუაცია მოხდა MacBook-ის ეკრანებთან დაკავშირებითაც და Apple-ს შეკვეთების დროებით შეჩერება მოუწია.
— Apple-ს თავდაპირველად არ სურდა iPhone X-ში OLED ეკრანის დაყენება, რათა Samsung-ზე დამოკიდებულებისგან თავი დაეღწია.
— 2014 წელს Apple-მა დაიწყო microLED ეკრანების გაკეთება და დაგეგმა მათი გამოყენება iPhone X-ში. 2015 წელს მან Qualcomm-ისგან იყიდა ეკრანების პატარა ქარხანა ტაივანში, რათა ესწავლა მათი დამოუკიდებლად წარმოება.
— რაღაც დროის შემდეგ Apple-მა შეაჩერა ეს პროექტი, მიზეზი მაღალი ღირებულება, წარმოების სირთულე და ხარვეზების მაღალი ალბათობა იყო.
წყარო: theinformation.com
