მოგეხსენებათ რომ Apple-ი 7 ივნისს ახალ iOS 15-ს წარმოგვიდგენს და ამის ფონზე დიზაინერებიც გააქტიურდნენ. გამოცემა 9to5Mac-მა წარმოადგინა iOS 15-ის საკუთარი კონცეფცია — ცოტა, მაგრამ საინტერესო ცვლილებებით.
2020 წელს iOS-ს მთავარმა გვერდმა მნიშვნელოვანი ცვლილებები განიცადა, ახლა კი მნიშვნელოვანი იქნება რომ ახალი ვიჯეტები უფრო მეტფუნქციური გახდეს და ბევრი ცვლილების შესაძლებლობა მივიღოთ.
კიდევ ერთი საინტერესო ფუნქცია იქნება განახლებული აპლიკაციის ეკრანზე ჩვენება, რადგან უამრავი ადამიანი აპლიკაციების ავტომატური განახლების ფუნქციას იყენებს და ახალი მახასიათებლების შესახებ ვერ იგებს.
ამის გამოსასწორებლად შესაძლებელია ასეთი შეტყობინების ჩვენება:
FaceTime-ი Zoom-სა და Skype-ს კონკურენციას სრულად ვერ უწევს, თუმცა ზარების დაგეგმვამ და ეკრანის გაზიარებამ ეს შეიძლება შეცვალოს.
Emoji-ები ძალიან კარგია, მაგრამ მას არ გააჩნია ფავორიტების სექცია, რომელსაც თავად გააკონტროლებთ.
Keychain — მომხმარებლები დიდი ხანია ნატრულობენ ასეთივე სახელწოდების აპლიკაციაზე, რომელსაც ექნება პაროლების დაყენების და დამახსოვრების ფუნქცია.
უკვე არსებობს MagSafe სადგამები iPhone-ისთვის, თუმცა მოთავსებული iPhone-ი ცოტა მოსაწყენად გამოიყურება. მას შეუძლია ისეთივე გახდეს როგორც Apple Watch-ი გამოიყურება დატენვის დროს.
ამინდის აპლიკაცია არ შეცვლილა iOS 7-ს შემდეგ. აპლიკაციას შეუძლია რომ ყველა ქალაქის პროგნოზი ერთ გვერდზე გვაჩვენოს. ასევე Apple-მა შეიძინა პოპულარული აპლიკაცია Dark Sky, რომლის დახმარებითაც შეუძლიათ პროგნოზის ხარისხის გაუმჯობესებაც.
აპლიკაცია Home – საჭიროა HomePod-ის აპლიკაციისთვის, რათა უფრო სწრაფად და მარტივად მოხდეს ჭკვიანი დინამიკის კონტროლი.
ჩვენ სიამოვნებით ვისურვებდით ასეთ ცვლილებებს და კიდევ უფრო მეტს iOS 15-ში, თუმცა საბოლოო სიტყვა Apple-ზეა. [ 9to5Mac ]
