ამ წლის დასაწყისში გავრცელდა ჭორები რომ ახალი Apple Watch-ით შევძლებთ სისხლში შაქრის დონის, არტერიული წნევის და სხეულის ტემპერატურის გაზომვას. ეს ჭორები ბევრმა უარყო, თუმცა ეს ყველაფერი სიმართლეს შეესაბამება. ყველაფერი კიდევ უფრო საინტერესო იქნება, ვიდრე წარმოგიდგენიათ. Apple Watch-ი მუდმივად გააკონტროლებს მისი მფლობელის უამრავ ჯანმრთელობის ინდიკატორს.
ამ ჭორებში შეცდომა მხოლოდ ერთი იყო, ვიღაცამ გადაწყვიტა რომ ეს ყველაფერი აუცილებლად 2021 წლის Apple Watch 7-ში უნდა ვიხილოთ, რაც ნამდვილად არ არის სიმართლე. რაც შეეხება დანარჩენს, ციფრული სენსორების სისტემის და პროგრამული უზრუნველყოფის სხვადასხვა მეთოდების ტესტირებას, რამდენიმე ქვეყნის სამედიცინო ორგანიზაციებში ამჟამად უკვე მიმდინარეობს. საუკეთესო შემთხვევაში, ტესტირებები 2022 წლის პირველ ნახევარში დასრულდება, ხოლო ყველაზე ცუდი სცენარის მიხედვით, ეს შესაძლებლობები შესაძლოა Apple Watch 8-შიც არ იყოს.
ამ სისტემაზე და ტექნოლოგიაზე სტარტაპი Rockley Photonics-ი მუშაობს. ეს არის ბრიტანული სტარტაპი, რომელიც ოქსფორდში მდებარეობს და Apple-ის სამედიცინო სენსორების მიმწოდებელია.
მაჯის კლინიკა, რეალურ კლინიკაში ჩატარებულ კვლევებს ვერ ჩაანაცვლებს, თუმცა, თუ Rockley Photonics-ი წარმატებას მიაღწევს, ეს იქნება რევოლუციური ნახტომი სამედიცინო და ტექნოლოგიურ სექტორში.
