ხვალ საქართველოს დროით 21 საათზე Apple-ი ახალ iPhone-ებს წარმოგვიდგენს. ეს იქნება განსხვავებული ღონისძიება, რადგან კუპერტინოელები ოთხი ახალი iPhone-ის წარმოდგენას აპირებენ. ესენია ორი 6,1 ინჩიანი მოდელი, ერთი 5,4 ინჩიანი მოდელი და ერთი 6,7 ინჩიანი მოდელი. ახლა ვისაუბროთ იმაზე, თუ რა გაუმჯობესებებს ველოდებით iPhone 12-სგან:
როგორც ჩანს Apple-ი შეინარჩუნებს Face ID-ის სენსორების წინა სისტემას, თუმცა, იგი შეიცვლება პროგრამული თვალსაზრისით. სკანირების სიჩქარის გასაზრდელად Apple-ი გამოიყენებს ახალ დინამიური ზონირების ალგორითმს.
ასევე ვარაუდობენ რომ iPhone 12 mini-ს ექნება ყველაზე მოკლე, მაგრამ ყველაზე ფართო „Notch“-ი.
კამერა
iPhone-ის სხვადასხვა მოდელები მიიღებენ განსხვავებულ კომპლექტს, რომლებიც ფუნქციურადაც განსხვავდებიან.
რადგან ვიცით რომ iPhone 12 mini-ს და iPhone 12-ს ექნებათ მხოლოდ 2 კამერა, შეგვიძლია ვთქვათ რომ მათ არ ექნებათ ტელეფოტო მოდული — შესაბამისად არ ექნება 3x და 4x მასშტაბირება.
ოპტიკური მასშტაბირების გამო, Apple-ი გეგმავს მაკრო რეჟიმის გააქტიურებას. კონკურენტებისგან განსხვავებით, რომელთა სმარტფონები სპეციალური მოდულითაა აღჭურვილი. კუპერტინოში გადაწყვიტეს მხოლოდ ტელეფოტო ობიექტივის დატოვება და მას უბრალოდ 2 სმ-ზე გადაღების შესაძლებლობა მიანიჭეს.
მართალია სავარაუდოდ ამას დასჭირდება ავტოფოკუსის დამუშავება, მაგრამ ეს Apple-ისთვის პრობლემას არ უნდა წარმოადგენდეს.
ღამის რეჟიმი ასევე მიიღებს პატარა განახლებას: iPhone 12-ით შესაძლებელი იქნება დაბალი სინათლის პირობებში ფოტოს გადაღება ტელეფოტო-მოდულით.
ბატარეა
რაც შეეხება ავტონომიას, აქ ყველაფერი მარტივად არ არის. რა თქმა უნდა iPhone 12-ების ახალი მოდელები მიიღებენ ხანგრძლივობის დამატებით საათს, თუმცა iPhone 12 mini-ს შემთხვევაში ასე არ იქნება. 5,4 ინჩიან მოდელში ზომისა და შესაბამისად ბატარეის შემცირების გამო, ის 1 საათით უფრო ნაკლებ დროს იმუშავებს, ვიდრე iPhone 11 მუშაობს.
ბატარეასთან მიმართებაში უნდა გავითვალისწინოთ ისიც, რომ ბოლო ინფორმაციების თანახმად ყველა ახალ მოდელს 5G მხარდაჭერა ექნება, რაც დამატებით ზრდის ბატარეის მოხმარებას.
