დიდხნიანი ლოდინის შემდგ, მთელი დღე Vision Pro-სთან ერთად გავატარე და მინდა რომ შთაბეჭდილებები გაგიზიაროთ.
დიახ, თქვენ შეიძლება გქონდეთ ფული, შეგეძლოთ ყიდვა, მაგრამ ეს იმას არ ნიშნავს რომ კომფორტულად შეძლებთ მის გამოყენებას.
რა მოგვწონს Apple Vision Pro-ში
- Vision Pro ელეგანტურად გამოიყურება, ისევე როგორც Apple-ის ყველა პროდუქტი;
- VisionOS-ს დახმარებით, მარტივად ეჩვევით ფანჯრებთან ურთიერთობას;
- თვალით სხვადასხვა წერტილში გადაადგილება აღფრთოვანებას იწვევს, ზუსტად იქ ხარ, სადაც უყურებ, შეცდომა არასდროს მოსვლია;
- Vision Pro-ს ხანგრძლივად გამოყენების შემდეგაც, თვალები არ იღლება;
- ვიზუალური მახასიათებლები აღფრთოვანებას იწვევს და გინდა ისევ და ისევ შეხედო მათ. მაგალითად, ჩრდილები რეალურ ზედაპირებზე ღია ვირტუალური ფანჯრებიდან, სამგანზომილებიანი ვიდეოები Apple TV+-ში, ვიდეო დინოზავრების შესახებ, რომლებიც ფაქტიურად ხტებიან ეკრანიდან და მთელ სივრცეს ავსებენ… 5-ჯერ მაინც ვუყურე.
- ჩაშენებული დინამიკებიდან ხმა საკმაოდ ღრმა და მდიდარია. თუ ვიდეოს გადაიტანთ მარჯვნიდან მარცხნივ და უკან, როგორც ჩანს, ხმაც იცვლის თავის პოზიციას. ძალიან შთამბეჭდავად ჟღერს.
- ღია ფანჯრები ინარჩუნებს თავის ადგილს მაშინაც კი, თუ Vision Pro-სთან ერთად შეხვალთ სხვა ოთახში. ეს მოსახერხებელია და თქვენ სწრაფად ეჩვევით ბრაუზერის პოვნას ღია საიტებით სადღაც ჭერზე.
- ფილმების ყურება ტბის პირას უდიდეს ეკრანზე, არის ერთ-ერთი მიზეზი Vision Pro-ს შეძენისთვის;
- ჩაღრმავებული გარემო შესანიშნავია. თქვენ ატრიალებთ ციფრულ გვირგვინს და თქვენს ირგვლივ მთელი სივრცე ივსება თქვენი არჩეული ნებისმიერი პეიზაჟით, მთვარის ზედაპირიდან იოსემიტის ეროვნული პარკის კიდემდე. უფრო მეტიც, ვიზუალთან ერთად ჩნდება ხმებიც – ქარის, ჩიტების ჭიკჭიკი და წვიმის შრიალი.
- ფილმის ყურება ნამდვილი სიამოვნებაა. ვიზუალური არე შეიძლება ცამდე იყოს გაჭიმული, თითქოს IMAX-ზე წინა რიგში იჯდე.
რა არ მოგეწონათ Apple Vision Pro-ში?
- Vision Pro-ში არ არის უკან დაბრუნების ჟესტი, ისეთი როგორიც MacBook-ში;
- თუ გაააქტიურებთ „Travel Mode“-ს და შემდეგ გამორთავთ, სურათი გამოჩნდება ოდნავ დახრილი, ანუ არა ჰორიზონტალურად სწორი;
- ჩაფხუტის სიმძიმე დაახლოებით 1 საათის შემდეგ საკმაოდ შემაწუხებელია; ჩვენ გირჩევთ Dual Loop Band-ის გამოყენებას, ეს ცოტა გაახანგრძლივებს დროს;
- App Store-ში, ფაქტობრივად, პრაქტიკულად არ არის სასარგებლო და საჭირო აპლიკაციები სპეციალურად Vision Pro-სთვის. მეტ-ნაკლებად პოპულარულიდან ვიპოვეთ Zoom-ი, აპლიკაცია ვარსკვლავური ცის შესასწავლად და უბრალო მედიტაციური სათამაშო. სხვა თამაშები ხელმისაწვდომია მხოლოდ Apple Arcade-ის გამოწერით.
- სამკაოდ რთულია Vision Pro-ს გამოყენება მაუსისა და კლავიატურის გარეშე დიდი ხნით. თუ გსურთ რომ იმუშაოთ ფოტო-ვიდეო რედაქტირებაში, წარმატებულად არ გამოგივათ.
- გალერეაში არ არის ურნა ან “დამალული” საქაღალდე და რაც მთავარია, “ეკრანის ჩაწერის” გამოყენებით ჩაწერილი ვიდეოები ყოველთვის არ ინახება.
- ფასი, ეს არ არის საუკეთესო ფასი, რომელიც Apple-ის ფან-კლუბს მოგვეწონება;
- და ბოლოს, აქ არის სასაცილო შეცდომა: თუ სკამზე ზიხართ ისე, რომ ფეხები მაგიდის ქვეშ არ იყოს, მაშინ Apple Vision Pro აღიქვამს თქვენი ფეხების დაჭერას, როგორც თითების დაჭერას. ასე რომ, ჩაფხუტის მართვა შესაძლებელია თქვენი ფეხებითაც კი.
დასკვნა: Apple-მა შექმნა უნიკალური პროდუქტი, საოცარი რამ პერსპექტიულად, თუმცა პრაქტიკაში: ეს არის ნახევრად გამომცხვარი ნამცხვარი.
