იმისდა მიუხედავად რომ iPhone SE არასდროს ყოფილა მსოფლიო ბესტსელერი, მის მომდევნო ვერსიას ალბათ Apple-ის ყველაზე მეტი მომხმარებელი ელოდება. ამ მოდელის მთავარი ფასეულობა მისი ღირებულებაა. თუ iPhone SE ერთგვარი ექსპერიმენტი იყო და იგი აღარ უნდა გაგრძელებულიყო, ახლა შესაძლოა მივიღოთ iPhone 9, რომელშიც ასევე იქნება ახალი ექსპერიმენტები.
ჩვენ მას იქამდე ვეძახით iPhone SE 2-ს, სანამ რეალურად მისი ახალი სახელი არ გამოჩნდება. ბოლო პერიოდში გავრცელდა ინფორმაცია, რომ შესაძლოა ის იყოს iPhone 9, რომელსაც Touch ID გვერდითა ღილაკით ექნება. მსგავს მეთოდს იყენებს ჩინურური მწარმოებელი Huawei. ეს საკმაოდ ლოგიკური მეთოდია, რადგან ანატომიური თვალსაზრისით, სმარტფონის ხელში აღების შემდეგ თითი ზუსტად იმ ადგილას თავსდება, სადაც Touch ID-ის ღილაკია, შესაბამისად განბლოკვა მარტივად და სწრაფად ხდება.
ლოგიკურად რომ ვიმსჯელოთ ეს მეთოდი რომელიც ახლახანს გავრცელდა Phone SE-ს შემთხვევაში არარეალურია. ჭორების თანახმად ვიცით რომ ახალი iPhone SE 2 iPhone 8-ს ზომებს გაიმეორებს, რომელსაც ეკრანის ქვეშ საკმარისი სივრცე აქვს Home ღილაკში Touch ID-ის ჩასაშენებლად. ამრიგად, აზრი არ აქვს სკანერის ამოღებას მხოლოდ იმის გამო რომ უბრალოდ სხვაგან გადავიდეს.
ამ გაჟონილ ინფორმაციას ან არაფერი აქვს საერთო სიმართლესთან, ან Apple ამის გამოყენებას სხვა მოდელში აპირებს, მაგალითად iPhone XR-ში.
როგორი უნდა იყოს iPhone SE 2?
წარმატების მისაღწევად iPhone SE 2 უნდა იყოს ზომიერად კომპრომისული, მისი შეძენა მათ უნდა მოუნდოეთ, ვისაც უნდა ახალი iPhone და არ უნდა ან არ შეუძლია iPhone 11-ში 700 დოლარის გადახდა, ხოლო ძველი მოდელების მაგ: 8-ის ყიდვა არ სურს. აქედან გამომდინარე, ახალი iPhone-ის გამოშვება iPhone 8-ის ვიზუალით, საკმაოდ ლოგიკური გადაწყვეტილებაა. ამის შემდეგ ძალიან მნიშვნელოვანია ფასის დაწესება, ალბათ 399$ საუკეთესო ვარიანტი იქნება, სწორად ამ ფასმა განაპირობა iPhone SE-ს წარმატება.
ასევე იხილეთ: iPhone SE – სტივ ჯობსის ჯადონსური ფორმულა