Apple-ი მომავალი წლის პირველ ნახევარში დაუშვებს აპლიკაციების ინსტალაციას App Store-ის გვერდის ავლით ევროპაში, იტყობინება Bloomberg-ის ჟურნალისტი მარკ გურმანი.
მომხმარებლებს შეეძლებათ ჩამოტვირთონ აპლიკაციები პირდაპირ დეველოპერების საიტებიდან და დააინსტალირონ ისინი App Store-ის გამოყენების გარეშე. ეს საშუალებას მისცემს დეველოპერებს თავიდან აიცილონ Apple-ის 15-30% საკომისიოს გადახდა.
ეს ფუნქცია სავარაუდოდ გამოჩნდება iOS 17.3 ან 17.4-ში. გამოცემა აღნიშნავს რომ Apple-ი ამ მექანიზმს მკაცრად გააკონტროლებს.
გასულ ივლისში, ევროპარლამენტმა დაამტკიცა ციფრული ბაზრების აქტი (DMA), რომელიც ავალდებულებს Apple-ს დაუშვას აპლიკაციების დაყენება iPhone-ზე ნებისმიერი წყაროდან. იგი ძალაში შევიდა 2022 წლის 1 ნოემბერს.
Apple-ი ეწინააღმდეგება ამ კანონს, მაგრამ მას მოუწევს მოთხოვნის შესრულება, რადგან წინააღმდეგ შემთხვევაში შეიძლება დაჯარიმდეს მსოფლიო შემოსავლის 20%-ით. [ MacRumors ]
