ყველაზე მნიშვნელოვანი რამ, რაც 2021 წლის მეორე კვარტლის შედეგებზე ითქვა, ის არის რომ Apple-ს პრობლემები აქვს. მარტივად რომ ვთქვათ, Apple-ის მეორე კვარტლის შედეგები ფანტასტიკური იყო. საუკეთესოც კი Apple-ის ისტორიაში. თუმცა, მსოფლიოში შექმნილი მიკროჩიპებისა და სხვადასხვა კომპონენტების დეფიციტის გამო, კომპანიაში პრობლემებია. ეს პრობლემები პირველ რიგში iPad-ისა და Mac-ის გაყიდვებზე აისახება, შესაძლოა მომხმარებლების მოთხოვნა ბოლომდე ვერ დაკმაყოფილდეს. მიუხედავად ამ ვითარებისა, Apple-ი მომდევნო 8 თვის განმავლობაში ბევრ საინტერესო რამეს შემოგვთავაზებს.
Apple-ი ძალიან დიდი წარმატების გზაზე დგას და მათგან წელსაც სიურპრიზებს ველოდებით. მაგალითად: მიმდინარე წლის იანვარ-მარტში iPad-იდან გაყიდვების შემოსავალი 79%-თ გაიზარდა (თითქმის გაორმაგდა). Mac-ის შემთხვევაში +70%, ხოლო iPhone-ის +65%. Apple Watch-ი მხოლოდ iPad-ს ჩამორჩება და მისგან +75% საოცარი შედეგია. მიუხედავად იმისა რომ შედარებით ლოგიკურია, მაინც არც ისე კარგი შედეგი აქვს AirPods და AirPods Pro-ს, მათი წარმოება Apple-მა 25%-თ შეამცირა. (თუმცა ობიექტურობა მოითხოვს ვაღიაროთ რომ AirPods-ი მსოფლიოს ყველაზე დიდმა ნაწილმა დიდი ხანია უკვე შეიძინა)
რას ველოდებით Apple-ისგან
AirPods 3
სხვადასხვა წყაროების ცნობით, AirPods 3-ის გამოსვლის თარიღი Apple-მა რამდენჯერმე გადადო (მიზეზი უცნობია). იმედი ვიქონიოთ რომ მიზეზი დადებითია და Apple-ი რაიმე განსაკუთრებულის დანერგვას აპირებს.
iMac Pro
სრულფასოვანი, მძლავრი M სერიის iMac-ი 2021 წლის ბოლოს უნდა ვიხილოთ. 27 ინჩიანი, რომელიც Intel-ის iMac-ს ჩაანაცვლებს.
iPad 9 და iPad mini
iPad 8 ამჟამად იდეალური მოწყობილობაა მისი ფასის გათვალისწინებით, თუ Apple-ი მას ისეთივე მონსტრად აქცევს, როგორიც iPad Air 4-ია, საინტერესოა მოახერხებს თუ არა ფასის შენარჩუნებას (329 დოლარი). რაც შეეხება iPad mini-ს, ის 2020 წელს არ განახლებულა, მას თავისი მომხმარებელი ელოდება და სავარაუდოდ წელს იხილავენ.
iPhone 13 და Apple Watch 7
ეს ის ორი მოწყობილობაა რომელიც აუცილელბად ყოველ წელს შემოდგომაზე გამოდის. ისინი ყველაზე წარმატებულ პროდუქტებათ მიიჩნევა, როგორც ჩანს მათ კრიზისი არ შეეხება. საინტერესო იქნება Apple Watch SE-სა და iPhone SE-ს მომავალი.
MacBook Pro-ები, M2 ან MX პროცესორებით
ეს ალბათ ყველაზე მოეციური უნდა იყოს, რადგან ყველანი MacBook Pro-ს რედიზაინს ველოდებით. ეკრანი ჩარჩოების გარეშე და 14 ინჩიანი მოდელი. თხევადი Retina XDR ეკრანი და გაზრდილი კონექტორების რაოდენობა.
მოკლედ, საოცარი 8 თვე გველოდება მეგობრებო. Apple-ი წელსაც ტრადიციულად გაოცებულს დაგვტოვებს.
