Apple-ის ღონისძიებაზე ყველაზე დიდი ინტერესეი iPhone SE-ზე იყო, მიზეზი მარტივია, იგი დაბალბიუჯეტური iPhone-ის ხაზია.
ყველაზე ხელმისაწვდომი სმარტფონი, ღონისძიების შემდეგ ყველაზე საკამათო/განსახილველი პროდუქტი აღმოჩნდა, რადგან კომპანიამ იგი ზუსტად იმავე დიზაინში წარმოგვიდგინა, როგორიც წინა მოდელი იყო. ახლა მოკლედ გეტყვით ყველა იმ განსხვავების შესახებ, რომელიც მას მეორე თაობისგან გამოარჩევს.
▣ ახალი iPhone SE მეორე თაობისგან კორპუსით და ზომებით არ განსხვავდება. ეს უკვე ნაცნობია 138.4 x 67.3 x 7.3 მმ. მცირე სხვაობაა წონაში, ახალი მოდელი 4 გრამით უფრო მსუბუქია. ასევე განსხვავებაა ფერებში, Black-ი ჩაანაცვლა > Midnight-მა, White-ი ჩაანაცვლა > Starlight-მა და წითელი უცვლელია, თუმცა საიტზე წითელიც განსხვავებულად გამოიყურება.
▣ პროცესორი — ახალი SE-ს შესრულება გასაოცარია. მას აქვს უახლესი A15 პროცესორი. ასევე, 16 ბირთვი Neural Engine-ი, 8 ბირთვის წინააღმდეგ.
▣ ბატარეა — Apple-ის თქმით ახალი iPhone SE-ს ვიდეოს დაკვრის რეჟიმი მეორე თაობასთან შედარებით 2 საათით უკეთესი აქვს.
iPhone SE 2 – 13 საათი, iPhone SE 3 – 15 საათი.
▣ ახალი iPhone SE-ს კამერამ მიიღო მცირე განახლება, აპარატურა იგივე დარჩა: 12 მეგაპიქსელი ƒ / 1.8. გაუმჯობესებები მიღწეულია პროგრამული უზრუნველყოფის შემდგომი დამუშავების ხარჯზე. დაემატა Deep Fusion ტექნოლოგია და ფოტოგრაფიული სტილები. iPhone SE-ს კვლავ არ აქვს ღამის რეჟიმში გადაღების შესაძლებლობა.
▣ სხვა განსხვავებები მოდელებს შორის მინიმალურია. ახალი მოდელს აქვს 5G მხარდაჭერა და გაზრდილია ავტონომია, იგი უფრო ენერგოეფექტური უნდა გახდეს ახალი პროცესორის ხარჯზე კონკრეტულ სიტუაციებში, რაც ძალიან მნიშვნელოვანია iPhone SE 2-ს მომხმარებლებისათვის.
მისი ფასი 429 დოლარია და შეკვეთა უკვე შესაძლებელია.
