Mount Sinai-ს მკვლევარები იუწყებიან, რომ Apple Watch-ს შეუძლია 1 კვირით ადრე აღმოაჩინოს ადამიანის სხეულში COVID 19-ს ვირუსის დიაგნოზი, ვიდრე ამას PCR (ცხვირ-ხახის ნაცხის ანალიზზე დაფუძნებული) ტესტი დაადგენს.
სამედიცინო კვლევის ინტერნეტ ჟურნალმა გამოაქვეყნა კვლევის დეტალები, სადაც წერია რომ კვლევაში მონაწილეობა მიიღეს Mount Sinai-ს რამდენიმე ასეულმა ჯანდაცვის მუშაკმა რომლებიც იყენებდნენ Apple Watch-ისა და iPhone-ის აპლიკაციებს ჯანმრთელობის მდგომარეობის მონაცემების მონიტორინგისათვის. მონაწილეებს ასევე მოეთხოვებოდათ შეევსოთ ყოველდღიური გამოკითხვა რამოდენიმე თვის განმავლობაში, რაც მიანიშნებდათ კორონა ვირუსის არსებობისკენ.
მკვლევარების მხრიდან ძირითადი აქცენტი გამახვილებული იყო გულისცემის ცვალებადობაზე (HRV), ნერვული სისტემის დატვირთვის ძირითადი მაჩვენებელზე. ამ მონაცემების ემატებოდა ვირუსის სიმპტომები, როგორიცაა სიცხე, ტკივილი, მშრალი ხველა, გემოს და ყნოსვის ფუნქციის დაქვეითება რასაც საათი მარტივად ხედავდა — აკავშირებდა ცნობილი კოვიდ ვირუსის სიმპტომებთან და ატყობინებდათ შესაძლო საფრთხის განვითარების შესახებ.
Apple ამჟამად თანამშრომლობს სიეტლის გრიპის შემსწავლელ მკვლევარებთან და ვაშინგტონის უნივერსიტეტის სამედიცინო სკოლის პროფესორ – მასწავლებლებთან, რათა შეისწავლოს სისხლში ჟანგბადის და გულის რითმის ცვლილებები ვირუსის არსებობის დროს.
Apple Watch-ს წინა კვლევებმა აჩვენა, რომ საათის გულის სენსორებს შეიძლება ჰქონდეთ სისხლში დიაბეტის ნიშნების დადგენის შესაძლებლობა და გულის ფიბრილაციის ადრეული გამაფრთხილებელი ნიშნების თქვენთვის შეტყობინების საშუალება.
წყარო : MacRumors
