რითი განსხვავდება Apple Watch 6 – Apple Watch 5-სგან

15 სექტემბრის ღონისძიებაზე Apple-ის პირველი მოწყობილობა რომელიც წარმოგვიდგენს Apple Watch 6 იყო.

ახლა მოდი გავერკვეთ, რითი განსხვადება ის წინამორბედი Apple Watch 5-ისგან:

1. ვიზუალი

ახალი საათის დიზაინი არ შეცვლილა, შეცვლის მოლოდინიც სისულელე იქნებოდა, რადგან ვიზუალური განახლება 2 წლის წინ მოხდა.

მოდელების ვარიანტები ასეთია: 40 ან 44 მილიმეტრი, (იგივე რაც Apple Watch 5-ის შემთხვევაში) და ალუმინის ფოლადის ან ტიტანიუმის ვერსიები. საკმაოდ იშვიათი და ექსკლუზიური კერამიკა აღარ მზადდება.

მაშ ასე, ვიზუალური განსხვავება შეგვიძლია ახალი ლურჯი და წითელი ფერების მიხედვით მოვახერხოთ.

2. პროცესორი

Apple Watch 6-ს აქვს ორმაგ ბირთვიანი ახალი S6 პროცესორი. როგორც დეველოპერები აცხადებენ, ის 20%-ით უფრო სწრაფია ვიდრე Apple Watch 5-ის პროცესორი.

მოცულობა არ შეცვლილა, Apple Watch 6-საც იგივე — 32GB აქვს.

Apple Watch 6-ს დაემატა ყოველთვის ჩართული ალტიმეტრი, რომელიც რეალურ დროში გაჩვენებთ რა სიმაღლეზე იმყოფებით.

Apple Watch 6-ის გამოყენება გაცილებით სასიამოვნო გახდა მზიან ამინდში, რადგან მისი ეკრანის სიკაშკაშე 2.5-ჯერ გაიზარდა.

ასევე ეკრანმა დაკარგა Force Touch-ის მხარდაჭერა, ახლა ძლიერად დაჭერის ნაცვლად, ხანგრძლივი დაჭერაა საჭირო სხვა და სხვა ფუნქციების შესასრულებლად.

3. ძირითადი განსხვავებები

ახალი მოდელის მთავარი განსხვავება არის მასში ჩამონტაჟებული პულსის ოქსიმეტრი, ეს სენსორი საშუალებას მოგცემთ სისხლში ჟანგბადი გაზომოთ. საათი მთელი დღის განმავლობაში დააკვირდება თქვენი ჯანმრთელობის მდგომარეობას და ცვლილებების შემთხვევაში გაგაფრთხილებთ.

ვიმედოვნებთ რომ ამ ფუნქციას არ ექნება რეგიონული შეზღუდვები, ისეთივე როგორიც აქვს ECG-ს.

4. Solo Loop ბრასლეტები

კიდევ ერთი სიახლე არის ახალი Solo Loop ბრასლეტები, რომლებსაც შესაკრავი არ აქვს. ბრასლეტები რამდენიმე ზომის არის, რომ ყველა ადამიანმა ინდივიდუალურად მოირგოს მაჯაზე.

მაგალითად Solo Loop-იანი საათის ფასი 429 დოლარია, ხოლო სტანდარტული სამაჯურით 399 დოლარი. ასევე Solo Loop-ის სამაჯურის ნაქსოვი ვერსია 479 დოლარი.

მისი მორგება Apple Watch 4-იდან ყველა მოდელზეა შესაძლებელი.