სავარაუდოდ, iOS-ს მომხმარებლებს დაუწერელი კანონივით აქვთ რაღაც კონკრეტული აპლიკაციების სია, რომლებიც ყოველთვის უნდა იყოს მათ iPhone-ში. ხშირ შემთხვევაში ამ სიაში ძირითადი ადგილი სოციალურ ქსელებს უკავია. ექსპერტების აზრით, არსებობს ისეთი აპლიკაციები, რომლებმაც ნამდვილად შეიძლება დააზიანოს მოწყობილობის ავტონომია. საინტერესოა რომელი აპლიკაციები იგულისხმება.
რა თქმა უნდა App Store-ი სავსეა ისეთი აპლიკაციებით, რომლებიც გაცილებით დიდ რესურსს მოიხმარენ, ვიდრე სტანდარტული აპლიკაციები. ასეთებია თამაშები, ფოტო-ვიდეო რედაქტირება და ა.შ. თუმცა, CocoFinder-ის თანა-დამფუძნებლის თქმით, არის რამდენიმე აპლიკაცია რომელიც ამ ასპექტში მოწინავე ადგილებს იკავებს. ჩენსის თქმით, ასეთი აპლიკაციაა Snapchat-ი.
„არასდროს არ უნდა გადმოიწეროთ Snapchat-ი, რადგან ის უბრალოდ კლავს თქვენს აკუმულატორს. ეს აპლიკაცია მნიშვნელოვანად მოქმედებს თვენს მოწყობილობაზე. მაგალითად, ის მუდმივად ანახლებს ინფორმაციას მიმდებარე მდებაორების შესახებ, ის ასევე მუდმივად ურთიერთობს ინტერნეტთან შეტყობინებების მისაღებად. არ აქვს მნიშვნელობა იყენებთ WiFi-ს თუ მობილურ ინტერნეტს“.
აცხადებს CocoFinder-ის თანა-დამფუძნებელი
თუ Snapchat გაქვთ, ერთ-ერთი პრევენცია იქნება iOS-ის პარამეტრებიდან Snapchat-ის მდებარეობის ამოცნობის ფუნქციის გამორთვა. გარდა ამისა, შეგიძლიათ სრულიად გამორთოთ შეტყობინებების მიღება ამ აპლიკაციიდან.
ჩუმი მკვლელების სია:
გულწრფელად რომ ვთქვათ, ჩენსის არგუმენტებიდან გამომდინარე, შეგვიძლია ვივარაუდოთ რომ დანარჩენი სოციალური ქსელებიც ისევე იქცევიან როგორც Snapchat-ი. ესენია: Facebook-ი, Instagram-ი, TikTok-ი, WhatsApp-ი, Twitter-ი. სრული სიის ჩამოთვლას დიდი დრო დასჭირდება, რადგან უამრავი აპლიკაციაა ისეთი, რომლებიც აკონტროლებენ მომხმარებლის ადგილმდებარეობას და აგზავნიან შეტყობინებებს.
მე პირადად საერთოდ არ ვიყენებ Snapchat-ს და ძალიან ცოტა ხნით Instagram-ს, მაგრამ დამოკიდებული ვარ Twitter-ზე, რომელიც ასევე საკმაოდ დიდ რესურსს იყენებს, თუმცა სხვებთან შედარებით ნაკლებად.
ამ პრობლემის მოგვარების გზა არც ისე რთულია, თქვენ უბრალოდ უარი უნდა თქვათ აპლიკაციებიდან შეტყობინებების მიღებაზე და გამორთოთ პარამეტრებიდან. რა თქმა უნდა ეს ისეთ აპლიკაციებს ეხება, რომლებიც შეტყობინებისთანავე დაუყოვნებლი სანახავი არ გაქვთ. დაიტოვეთ მხოლოდ ისეთი აპლიკაციები, რომლებშიც დღის ყველაზე დიდ დროს ატარებთ.
