iPhone 13 Pro-ს და iPhone 13 Pro Max-ს (იგივე iPhone 12s Pro-ს და iPhone 12s Pro Max-ს) Samsung-ის OLED LTPO ეკრანი ექნება. სამხრეთ კორეული გამოცემა TheElec-ის თანახმად, გიგანტმა კომპანიებმა ხელშეკრულებას ხელი უკვე მოაწერეს.
ახალ ეკრანებს Samsung Display აწარმოებს და მისი მთავარი მახასიათებელი განახლების სიჩქარე იქნება — 120Hz. ანუ, როგორც ჩანს, ის რაც ორი წლის წინ გახდა ცნობილი, წელს რეალობად იქცევა.
რა არის LTPO ეკრანი?
2015-2016 წლებში Apple-მა და LG-მ შეიმუშავეს ტექნოლოგია LTPO (დაბალი ტემპერატურის პოლიკრისტალური ოქსიდი). იგი განსხვავდება მისი წინამორბედი და ჯერ კიდევ ფართოდ გამოყენებული ტექნოლოგიის LTPS-გან (დაბალი ტემპერატურის პოლიკრისტალური სილიციუმი). LTPO-ს ტექნოლოგია 5-15%-თ უფრო ნაკლებ ენერგიას მოიხმარს, ვიდრე LTPS და ამას გარდა სხვა ბევრი უპირატესობაც აქვს.
შეძლებენ თუ არა Apple-ი და Samsung-ი მასობრივ წარმოებას მტრულ გარემოში? გასულ წელს ორივე კომპანიამ უპრეცენდენტოდ რთულ გარემოში იმუშავა, მაგრამ წელს მდგომარეობა კიდევ უფრო უარესია. ჩვენ ვსაუბრობთ მინიმუმ 70-80 მილიონ ეკრანზე. iPhone-ის ახალი ეკრანების წარმოების ორგანიზება მაისის თვეში ხდება ხოლმე, ამჯერად Apple-მა და Samsung-მა აპრილის თვეში გადაწყვიტეს. (ვივარაუდებ რომ ეს ტიმ კუკის ინიციატივაა, რადგან ვიცით მისი წინდახედულობის შესახებ).
მოკლედ რომ ვთქვათ, ველოდებით Samsung-ის მიერ მოწოდებულ ეკრანებს, რომელიც „Apple-ის მაგიით დაიხვეწება“.
