2011 წლის 24 აგვისტო, 9 საათი და 30 წუთი — ტიმ კუკი ოფიციალურად გახდა Apple-ის აღმასრულებელი დირექტორი. მისი მოღვაწეობა დაიწყო სიტყვებით: „Apple-ი დარჩება Apple-ი“. Apple-ში ბევრი რამ შეიცვალა, Apple-ი გახდა ყველაზე მდიდარი კომპანია აშშ-ში, ხოლო მსოფლიოში ყველაზე მდიდარი კომპანია IT კომპანიებს შორის. კომპანიის შესაძლებლობები უსასრულო გახდა, ტიმ კუკის 10 წლიანი მმართველობის განმავლობაში Apple-ის უამრავი გადაწყვეტილება გაუკრიტიკებიათ და ჩაუთვლიათ სულელურად, თუმცა რამდენად სულელური აღმოჩნდა საბოლოოდ, დღევანდელი შედეგების მიხედვით შეგიძლიათ განსაჯოთ. „Apple-ი აკეთებს ყოველთვის იმას, რაც სწორად მიაჩნია. მიუხედავად იმისა ეს საზიანო იქნება კომპანიისთვის თუ არა.“ — ეს ტიმ კუკის სიტყტვებია.
სტივ ჯობსი დარწმუნებული იყო რომ ტიმ კუკი კარგი მმართველი იქნებოდა. მას ამის სერიოზული და რაციონალური მიზეზები ჰქონდა. 2011 წელს როდესაც ჯობსი გარდაიცვალა, ძალიან ცოტას სჯეროდა რომ Apple-ი სტივ ჯობსის გარეშე იარსებებდა. ისე, შეგახსენებთ რომ სტივ ჯობსი თავიდანვე არ გამხდარა გენიოსი, 1979 წელს წარუმატებელი აღმოჩნდა სამი მნიშვნელოვანი პროექტი: Apple III, Lisa და Macintosh-ი.
ერთადერთი პრობლემა ტიმ კუკის დროს
მე ჩემს აზრს გაგიზიარებთ ამ პრობლემასთან დაკავშირებით. როგორც ჩანს, ტიმ კუკს 2014 წელს ეჭვი ეპარებოდა რომ კომპანიაში მყარი, კონსენსუსიანი და ჰარმონიული გარემო იქნებოდა. ამიტომ, 2014 წელს როგორც ექსპერიმენტი, მან ნება დეართო ძალადობრივ დისიდენტურ გუნდს რომ განეხორციელებინათ თავიანთი გიჟური პროექტი. შესაბამისად, მივიღეთ თხელი, რბილი და წარმოუდგენლად ტექნოლოგიური კლავიატურა, თავისი პრობლემებით.
„პეპელა“ კლავიატურის პრობლემების გამო, მალე დაეცა MacBook-ების გაყიდვები, Apple-მაც შეცდომა გამოასწორა და დაუბრუნდა ძველ გათანამედროვებულ კლავიატურას. ტიმს ამაზე სერიზოული შეცდომა ამ 10 წლის განმავლობაში არ ჰქონია.
ტიმ კუკი რომელმაც დაიკავა კომპანიის მმართველის პოზიცია და ამჟამინდელი ტიმ კუკი, ფაქტობრივად ორი განსხვავებული ადამიანია. ახლანდელმა ტიმ კუკმა მოიშორა ილუზიები, გამოასწორა შეცდომები და დარწმუნებული ვარ, რომ მალე მისი ხელმძღვანელობით შეიქმნება მოწყობილობები, რომლებიც არანაირად არ ჩამორჩება სტივ ჯობსის ეპოქის უდიდეს პროდუქტებს.
რიცხვების გარეშე ეს ყველაფერი შესაძლოა ფუჭ სიტყვებად ჩაითვალოს, ამიტომ, ახლა მე შემოგთავაზებთ Apple-ის ცვლილებებს 2011 წლის აგვისტოდან, როდესაც სტივ ჯობსმა გენერალური დირექტორის თანამდებობა დატოვა.
მის დროს Apple-მა სწრაფად დაიწყო გამდიდრება, შეერთებულ შტატებში პირველმა მიაღწია 1 ტრილიონს, შემდეგ პირველმა მიაღწია 1,5 ტრილიონს და ბოლოს 2 ტრილიონს.
ეს არის 2011 წლიდან 2020 წლამდე მნიშვნელოვანი განსხვავებები ციფრებში:
— აქციების ღირებულება: 2011 წელს $53, 2020 წელს – 338$;
— კაპიტალიზაცია: 2011 წელს 354 მილიარდი აშშ დოლარი, 2020 წელს – 1,5 ტრილიონი (ახლა უკვე 2 ტრილიონი);
— iPhone-ის მოდელები: 2011 წელს – 1 მოდელი, 2020 წელს – 5 მოდელი;
— iPad-ის მოდელები: 2011 წელს – 1 მოდელი, 2020 წელს – 5 მოდელი;
— პროგრამული უზრუნველყოფის მხარდაჭერის პერიოდი iPhone-ზე და iPad-ზე: 2011 წელს – 3-4 წელი, 2020 წელს – 5-6 წელი;
— სერვისები: 2011 წელს – 3 სერვისი, 2020 წელს – 9 სერვისი.
და მთავარი, ტიმმა შექმნა ორი დიადი მოწყობილობა: Apple Watch-ი და AirPods-ი.
სტივ ჯობსი არ ცდებოდა, ტიმ კუკი საუკეთესოდ მართავს კომპანიას.